Ho sentidu orgullu no agradese ba Aman Maromak tamba ho Nia grasa tomak ne’ebe haraik mai ita atu isin diak nafatin hodi hala’o servisu nu’udar servidor nasaun Timor-Leste iha area edukasaun.

Ho ksolok ami hato’o, Bem-vindu mai iha Website Ensino Secundário Técnico Vocacional No. 2 de Lospalos. Website ida ne’e nu’udar media ba informasaun, komunikasaun no inspirasaun husi manorin, kanorin, inan-aman, alumni, no komunidade ne’ebe iha sentidu hodi dezenvolve teknologia informasaun no komunikasaun liu husi media ida ne’e.

Husi website ida ne’e, ami iha komitmentu hodi hato’o informasaun importante ne’ebe iha ligasaun ho eskola, prestasaun kanorin, pedagijika, no dezenvolvimentu eskola ne’ebe relevante. espera ho website ida ne'e b’le halo relasaun diak ho publiku hodi suporta dezenvolvimentu edukasaun ne’ebe kualidade.

Nu’udar eskola téknika profissional, Ami iha komitmentu hodi produs gerasaun juventude ne’ebe iha koñesimentu,  abilidade, no kompetente hodi prontu kontinua estudu iha nível superior ka prontu asesu ba merkadu traballu.

 Iha ne’e, vizitante sira bele hatene informasaun konaba atividade sira ne’ebe bazeia ba kompeténsia, Formação Contexto Trabalho (FCT), Vizita Industria, Prov Aptidão Profissional (PAP) iha ida-idak nia area.

Obrigada ba imi nia vizita. Mai ita hamutuk harí futuru brillante liu-husi eskola teknika vokasional ne’ebe kompetente. 

      Diretora ESTV No. 2 de Lospalos

     (Lidiana Maria E. S. Pereira, M. Ec. Dev.)