ESTV2; Eskola Sekundariu Tekníku Vokasional (ESTV) númeru 2 Lospalos oras ne’e dadaun prepara hela atividade Prova Aptidaun Profissionál (PAP) ne’ebé sei realiza iha tempu badak molok hakat ba Ezame Nasionál.
Diretor Adjuntu ESTV no.2 Lospalos Tomas dos Santos hateten Atividade Prova Aptidaun Profissional (PAP) hanesan atividade rutina ba 12 ano, tuir Planu kurikular ESTV ne’ebé mak estabelese husi Ministeriu Edukasaun (ME).
“Molok hakat to’o iha ne’eba iha rekezitu lubun ida ne’ebe mak persiza atu prienxe ba kanorin nain sira Liu-liu ba finalista 12 Ano, kumpri uluk ezame modular husi 10 Ano e 11 Ano ho kompletu, molok ba estajiu. Depois de estajiu fila mai kompleta relatoriu Formasaun Kontestu de Trabalho (FCT) kona-ba atividades ne’ebe mak halao durante fulan 3 ho nia durasaun tempu, 500 oras, entrega ona relatoriu kontinua ho modular balun ne’ebe mak la dauk remata, no ho tempu ne’ebe mak hanesan kanorin sira halo sira nian peskiza hodi bele hala’o sira nia Projeto PAP , sai hanesan rekezitu ikus ba kurikular eskola teknika vokasionál nian ne’ebé mak hasai husi Ministeriu Edukasaun Timor-Leste. “ dehan Diretor Adjunto iha nia knar fatin kuarta feira (27/08/2025) liu ba.
Diretor Adjunto haktuir katak estudante sia ne’ebé atu tuir ezame PAP hamutuk nain sianulu resin ne’en (96).
“Estudante ne’ebé mak laiha ona problema ligadu ho valor modular, notas FCT kompletu ona sira iha direto tomak hodi bele partisipa ba avaliasaun ezame PAP refere, ba hirak ne’ebé mak la prienxe rekezitu sei la bele partisipa, total estudante ba finalista hamutuk nain- 96 ne’e kuaze hotu mak sei tuir’’ afirma Tomas dos Santos.
Entretantu iha tinan 2025 finalista hamutuk nain sianlu resin sia (96) mai husi departamentu Komersiu nain sanulu resin (11), kontabilidade nain tolunulu resin hitu (36) no Jestaun Ekipamentus no Informatika nain limanulu resin rua (49) ne’ebé mak preparadu ona.
Tuir Planu kurikular ba kalendarizasaun sei realiza ezame PAP iha loron 25 fulan Setembro tinan 2025 no ikus liu sei tuir mos ezame nasionál iha tempu besik.
*
Hakerek textu : Belarmino
Editor : Formador JPD SEKOMS
