ESTV2 ; Elizer de Jesus Assis, moris iha Aldeia Lospala suku Fuiloro, Postu Administrativu Lospalos Munisipiu Lautem, iha loron 07 fulan Maiu Tinan 1991.
Aifuan domin husi Julião de Asis Bele no Filomena de Jesus Freitas nudar oan da-4 , husi maun-alin nain-5 feto rua mane tolu.
Ezy nudar naran estimado, mai husi familia ne’ebe simples ho nia vontade hori nanis naturalmente hakarak aprende Siensia ruma.
Atu la husik matenek natural nebe iha Ezy maske ho idade sei kiik hakarak koñese mundu nia naroman komesa hakat dadaun ba iha nivel pre-eskolar iha tinan 1996 hodi bele konese kona-ba literasia no numerasia.
Mane ho kulit castanho ne’e hafoin finalisa ninia estudu iha pre-eskolar komunitária atu haklean ninia kuinecementu nia kontinua estudu Ensino basico 1,2 e 3 0 ciclo EBC 1 lospalos.
Ho Vontade ne’eebe makas no hakarak buka hatene siencia sira Ezy hahu ninia ambiete foun iha ensino presekundariu iha Lulira Lospalos no finalize iha tinan 2005.
Ezy ne’ebe gosta hase ema no oin midar ne’e finalize ninia estudu iha ensino Sekundariu Nino Konis Santana Lospalos iha tinan 2011 ho espesialidade siencia socias e humanidade.
Ezy ne’ebe gosta toka guitar no kanta ne’e uluk sei kiik mehi hakarak sai ema ne’ebe util iha future nune’e siencia mak sai nudar save hodi aprende no motiva pensamentu nune’e ikus mai nia kontinua fila fali ninia estudu iha ensino superior IOB ho espesialidade ICT no finaliza iha tinan 2017.
Ho abilidade no kuinecementu ne’ebe iha liu-liu siensia ICT halo Ezy hakarak pratika matenek ne’ebe durante ne’e nia hetan hanesan bukae ida, persiza mos fahe ba ema seluk ne’ebe persiza ita nia tulun ho nune’e nia fila fali ba knua moris fatin Lospalos hodi transmite siensia teknologia nune’e ikus mai sai mos nudar manorin voluntariu ida iha Eskola ESTV NO. 2 LOSPALOS iha tinan 2022.
Ezy ne’ebe ho nia motto” gosta lee libru ne’e” ho ninia kuinecementu ne’ebe naton iha tinan 2023 hetan konfiasa no asumi responsablidade nudar xefe departamentu ba area informatika.
Wainhira iha konversa ruma ho Ezy, tamba sa to’o ohin loron sei mesak hela (single) nia argumenta maske hanoin hela maibe sei iha planu hodi forma familia ho rajaun sei hakarak goja mundo klosan nian no livre no inportante ba nia mak hakarak kontribui ba nesesidadae Inan-Aman ho nia maun alin sira ne’ebe persiza no mos hakarak focus ba ninia kareira edukativu no bain hira to’o tempu mak determina.
Mane ho fuuk metan ne’ebe gosta hase’e ema no komikudor ho firmeza hakarak aprende ho dezafius sira liu-liu iha siencia ICT nian iha mundo ohin loron, iha kna’ar nudar manorin ida nia akumula materia oin-oin hanesan teknologia multimedia no komunikasaun de dados hodi fahe tutan ba alunos sira husi 100 Ano to’o 12o Ano.
*
Hakerek textu : Belarmino
Editor : Formador JPD SEKOMS
