Komisaun CNE konsolida Informasaun kona-ba Eleisaun Munisipal ne’ebe sei halao ba kada munisipal iha teritoriu Timor laran tomak, Espesial ba Munisipiu Lautem. Atividade Hirak ne’e importante tebes ba sidadaun hotu-hotu hodi bele hatene tuir kona-ba lalaok Eleisaun nian. Iha Quata-feira, loron 18 Fulan Marsu Tinan 2026 Ekipa CNE Munisipal Lautem Hamutuk ho Komisariu Nasional hakat mai Eskola ESTV No. 2 de Lospalos hodi Partilla Informasaun ba Kanorin sira, Liu-liu ba Hirak ne’ebe tinan -17 ba Leten. Tuir dekretu Lei N.º 23 /2021 de 10 de Novembru Lei do Poder Lokal e Desentralizasaun Administrativa ba Sidadun Hotu bele ba rai Moris fatin hodi bele dezenvolve fatin ne’ebe mak horik ba tanba ne’e informasaun husi CNE ne’e Pertinente tebes hodi bele partila ba Jerasun kontinuador sira hodi bele komprende Klean molok eleisaun Munisipal ne’e Implementa. Haktuir husi Komisariu CNE Sr. Olavio da Costa Monteiro Almeida katak “ Edukasaun sivika ba Sidadun hotu-hotu liu liu ba kanorin sira ne’ebe mak foin atu asesu ba eleisaun ne’e persiza hatene klean kona-ba lalaok demokrasia no servisu lejislativu sira nian ne’ebe mak ligadu ho eleisaun, la kleur tan ita nia munisipiu mos sei halao festa demokrasia munisipal iha Lautem kona-ba Lei poder lokal ne’ebe mak sei hili direita husi Lautem oan sira”

Partisipasaun ba Konsolidasaun hirak ne’e husi kanorin sira ho entuazizmu tebes tanba bele komprende kona-ba lalaok Eleisaun nian, atividade ne’e halao durante loron ida tomak hahu husi dadersan to’o remata.