Ensino Secundario Tecnico Vocacional no. 2 de Lospalos halao selebrasaun loron nasional joventude Timor Leste iha suku Muapitine ba dala -20.

Manorin ho kanorin sira husi eskola ESTV no. 2 halao atividade long march  hodi bele selebra loron istoriku iha munisipiu Lautem ne’ebe indikadu trajedia Masakre Muapitine. Atividade hirak ne’e importante tebes ba Jerasaun kontinuador sira liu liu kanorin sira ne’ebe mak sai hanesan fini potensial ba future oin mai persiza hatene tuir istoria ho lolos .

Haktur husi sobrevivencias  husi saudoso Angelo da Costa  nia oan mane sai hanesan orador ba trajedia refere ”katak : Prosesu ukun rasik an ida ne’e sosa ho ruin no ran husi ema lubuk mak sakrifika  nia an tomak hodi ohin loron it a bele goza independencies ida ne’e” sura  mos  vitima masakre  muapitine nain 5  (Angelo da Costa, Lino Xavier, Alberto dos Santos, Leonel Oliveira no Alvaro Freitas) ne’ebe mak hetan dadur durante loron 14 iha KODIM 1629 no ikus hetan oho iha populasaun lubuk nian leet  iha sede suku Muapitine loron 8 fulan Dezembru Tinan 1983.

Partisipasaun husi atividade selebrasaun hirak ne’e mai husi Nai Xefe  suku Muapitine, Komadante Polisia Tranzitu munisipiu Lautem, Veteranu suku Muapitine, Entidade religiosa husi Madre CARMELITAS, Populasaun suku Muapitine, manorin sira, kanorin ESTV NO. 2  de Lospalos no kanorin sira EBC Muapitine. Agenda ba Programa lao ho diak no ikus kari aifunan no sunu lilin iha monument trajedia masakre Muapitine Nian no taka ho divertimentu entre populasaun suku muapitine, manorin sira,  no kanorin sira husi ESTV no mos EBC Muapitine.(12 de Novembro de 2025)

@HAKEREK NAIN : BELARMINO P. PEREIRA

@MEDIAESTV2LOSPALOS