JPD-ESTV No 2 Losplos, 21 Maiu 2026 – Ministeriu Solidaridade Sosial no Inkluzaun liu husi Centro Solidaridade Sosial Inkluzaun Munisipiu Lautem servisu hamutuk ho Childfund halao sensibilizasun ba manorin nain sira kona-ba oinsa proteje labarik sira husi seguransa online.
Augusto Jefriano da Costa, Offisial Protesaun ba Labarik husi Centro Solidaridade Sosial Inkluzaun Munisipiu Lautem (Cssi-Ml) bainhira halo aprezentasaun iha briefing training ba manorin nain sira hamutuk nain-sia iha Salaun Pratika Multimedia Eskola Sekundaria Geral Nino Conis Santana Lospalos, Kinta feira (21/05) hateten objetivu husi programa swipe safe ne’e nudar dalan ida atu hasa’e koñesementu ba manorin nain sira, inan-aman no labarik sira kona-ba oinsa atu proteje labarik sira husi seguransa online.
“Ami nia prograna edukasaun sivika swipe safe ne’e atu fahe informasaun ba entidades hotu-hotu hahu husi labarik, joven, inan-aman, manorin nain sira no sosiedade tomak atu kompriende no iha koñesementu kona-ba utilizasaun internet no oinsa atu proteje ita nia oan sira husi seguransa online”, dehan Augusto.
Augusto haktuir programa edukasaun sivil swipe safe ba tinan ida ne’e halao ona ba dala ruma iha munisipiu Lautem hanesan iha Salaun CSSI-ML no iha Salaun ESG-NKS Lospalos.
Ofisial Protesaun ba Labarik ne’e mos hatutan tuir planu prograna edukasaun sivika swipe safe ne’e sei halao mos ba komunidade sira iha Munisipiu Lautem.
Atividades briefing training ne’ebe halao iha Salaun Pratika Multimedia Eskola Sekundaria Geral Nino Conis Santana Lospalos ne’e, realiza husi Secretaria Estado Komunikasaun Social (SEKOMS) servisu hamutuk ho Childfund no Ministeriu Edukasaun hodi haklean koñsementu manorin nain sira nian liu husi publikasaun inforrmasaun iha website Jornal Parede Dijital eskola ida-idak nian.
Entertanto partisipante sira ne’ebe partisipa iha atividades briefing training mai husi manorin nain sira hamutuk nain-sia kompostu husi eskola ha’at maka hanesan ESG-NKS Lospalos, ESG-LAT Lospalos, ESTV Nu. 1 Lospalos no ESTV Nu. 2 Lospalos
Hakerek nain : Ekipa ESTV No 2 Losplos
Editor : Formador JPD – Sekoms
