“Vizita kortezia vice Ministra Solidaridade Sosial e Inkluzaun (MSSI) mai Eskola Ensino Secundario Tecnico Vocacional No. 2 de Lospalos ” 

Iha Loron Tersa Feira (17/03/2026) Sua exelencia Vice ministra MSSI Sra. Ceu Brites mai vizita direita Kanorin benefisiariu husi ESTV No. 2 de Lospalos hodi bele hasoru direita no rona  preokupasaun balun ne’ebe kanorin benefisiariu sira infrenta. Total kanorin Benefisiariu sira hamutuk 44 Pessoas hahu husi 10 Ano to’o 12 Ano mai husi Departamento 4 (Ha’at) mak hanesan : Comercio, Contabilidade, Gestao Equipamentos e Informatica no Hotelaria e Turismo.  Sua Exelensia Vice Ministra MSSI Sra. Ceu Brites haktuir katak “ministeriu Oferese Bolsa da mae Condicional hirak ne’e hodi bele Benefisia ba sidadaun hirak ne’ebe mak familia Vulneravel atu bele asesu ba edukasaun hanesan ho nia maluk sira seluk, dados hirak ne’e parte MSSI sempre Reajusta hodi bele hatene tuir benefisiariu nain hira mak hetan ona direito no ba benefisiriu hirak ne’ebe mak hetan notas la dun diak sei hetan ameasas ba Finansiamentu benefisiariu nian iha Futuru oin mai” 

            Husi vizitasaun hirak ne’e maske iha deit minutu balun maibe bele fahe informasaun ne’ebe furak tebes ba benefisiariu sira no mos ba eskola hodi bele hatene tuir kona-ba lalaok bolsa da mae condicioal ne’ebe mak lao ona durante ne’e .

Hakerek textu : Belarmino P. Pereira

Editor               : Elizer de Jesus Assis 

@MediaESTV2Lospalos